የድረ-ገጽ መመሪያዎች
ፕሮጀክት ድልድል በባለ ድርሻ አካላት እና በሚመለከታቸው አካላት መካከል ትብብር እንዲኖር በማስተባበር እና በባሕሎች መካከል በደቡብ-ሰሜናዊ የእውቀት ሽግግር መንገድ የእርስ በእርስ መማማሮች እንዲኖሩ በማበረታታት ተጽእኖውን ከግብ ለማድረስ ያልማል፡፡ በተለይም በቤት ውስጥ ጥቃትና ጾታ ተኮር በሆኑ ጥቃቶች ላይ በሚሠሩ ምርምሮችና ትግበራዎች ላይ በዓለም አቀፍ ደረጃ የንድፈ ዐሳብ መርሖችን በማዘጋጀት እና ትግበራዎችን በመወሰን የምዕራቡ ዓለም ማኅበረሰብ ያለውን ታሪካዊ የበላይነት ለመቀየር ከፍ ያለ ፍላጎት አለን፡፡
- በሃይማኖታዊ እምነቶች፣ በሰው ሥነ ልቦና ወይም የአእምሮ ጤና እና በውስጥ ጥቃት መካከል ያለውን ግንኙነት፣
- በቤት ውስጥ ጥቃት ውስጥ ጣልቃ በመግባት ጊዜ እና በሥነ ልቦናዊ-ማኅበረሰባዊ ድጋፍ ጊዜ ቀሳውስትን፣ ነገረ መለኮትን፣ ሃይማኖታዊ እምነትን ወይም መንፈሳዊ መመዘኛዎችን የሚያዋሕድ አቀራረብ እና የእንዲህ ዓይነት ጅማሮዎችን ውጤታማነት የሚለኩ መንገዶች፣
- ካህናትን እና የነገረ መለኮት ተማሪዎችን በጾታዊ ጉዳዮች እና በጋብቻና በቤት ውስጥ ጥቃት ጉዳዮች ላይ ለማሠልጠን የተደረገ ጥረትን እና እንዲህ ዓይነት ሥልጠናዎችን በነገረ መለኮት ትምህርት ቤቶች ለማስገባት፣
- ጾታ ተኮር በሆነ እና በእምነት መመዘኛ በተደረገ ምርምር በስደተኛ እና በአናሳ ማኅበረሰብ ቡድኖች ውስጥ የቤት ውስጥ ጥቃት ልምዶች እና ስለ ጥቃቱ የሚሰጡ ምላሾች።
ለድረ ገጹ የሚሆኑ አበርክቶዎችን ከተመራማሪዎች፣ ከባለሙያዎች፣ ከሥነ ልቦና ባለሙያዎች፣ ከማኅበራዊ ሠራተኞች፣ ከቀሳውስት፣ ከነገረ መለኮት ተማሪዎች ከመላው ዓለም በሁሉም ዓይነት ቋንቋ እንዲመጡ እንጋብዛለን፡፡ አበርክቶውም ተግባራዊ ጥናት፣ ከድርጅት መርሐግብሮች የተገኙ ትምህርቶችና ግኝቶች፣ ከመስክ ሥራ የተገኙ ሥነ ሰባዊ ልምዶች፣ ወይም ልናገናኛቸው በምንፈልጋቸው ኅብረ ብሔራዊ ባለ ድርሻ አካላት ማኅበረሰቦች ውስጥ በጥልቀት ማሰብን የሚያነሣሱ አስተያየት ጋባዥ ጉዳዮች ላይ ሊሆን ይችላል፡፡
ከምንደግፋቸው እና ከምናግዛቸው (Decolonial Subversions የሚለውን ተመልከት) ሌሎች የቅኝ ከተገዛ አስተሳሰብ ነጻ የመውጣት ጅማሮዎች በተጨማሪ የጽሑፍ፣ የድምጽና የምስል አስተዋጽኦዎችን ፖስተሮችን፣ ግጥሞችን እና የድረ ገጽ የድምጽ ቅጂዎችን እንቀበላለን፡፡ የምስልና የድምጽ አበርክቶዎች ከ Decolonial Subversions የተወሰደውን ከታች የተቀመጠውን የማስገቢያ ደንብ የተከተሉ መሆን አለባቸው።
ከላይ በተጠቀሰው መሠረት ለድረ-ገጽ የሚሆን ጽሑፍ የማስገባት ፍላጎቱ ካላችሁ ስለ ዐሳባችሁ ለመወያየት እና የማስገቢያ ጊዜ ላይ ለመስማማት ለፕሮጀክቱ በተዘጋጀው የኢሜል አድራሻ soasflf@soas.ac.uk ያግኙን፡፡
የጽሑፍ አበርክቶ
የጽሑፍ ርዝመት፡ አበርክቶው በ800 እና 1200 ቃላት መካከል መሆን አለበት፡፡ ከዚህ ለሚረዝም አበርክቶ የሚቻለውን ለማድረግ ከቡድኑ ጋር ይነጋገሩ፡፡
የአበርክቶ ዝርዝር፡ ሁሉም አበርክቶዎች በወርድ ፋይል፣ በታይምስ ኒው ሮማን፣ በ12 ፎንት እና በደብል ስፔስ መሆን አለባቸው፡፡ ማጣቀሻ በበቂ የኅዳግ ማስታወሻ መደገፍ አለበት፡፡ ጸሐፊዎች በሁሉም አንባቢዎች በተለይም ከዩናይትድ ኪንግደም ውጪ በሚገኙ አንባቢዎች በቀላሉ መገኘት የሚችሉ ማጣቀሻዎችን እንዲጠቀሙ ይበረታታሉ፡፡ የጀርባ ማጣቀሻ አጻጻፍ የ APA Referencing Style ን መከተል አለበት፡፡ ከሌላ ምንጭ ቀጥታ የተወሰዱ ዐሳቦች (ለምሳሌ ምስክርነቶች) በትምህርተ ጥቅስ (inverted commas) ውስጥ መቀመጥ አለባቸው፡፡ ከዐርባ ቃላት በላይ የሆኑ ከሌላ ምንጭ ቀጥታ የተወሰዱ ዐሳቦች በቀኝና በግራ አንዳንድ ሴንቲ ሜትር ወደ ውስጥ ገባ ማለት እና የፊደል ቅርጽና መጠናቸው ተመሳሳይ የሆኑ መሆን ያለባቸው ሲሆን ትምህርተ ጥቅስ መጠቀም አያስፈልግም።
የእንግሊዘኛ ፊደል አጠቃቀም ስምምነትን በተመለከተ የዘዴ መመሪያውን (style guide) ተመልከት፡፡ በሌሎች ቋንቋዎች የፊደል አጠቃቀም ስምምነት መርህን አላስቀመጥንም ነገር ግን ጸሐፊያን ወጥ የሆነ የአጻጻፍ ዘዴን እና የፊደል አጠቃቀምን እንዲከተሉ ይጠበቃሉ፡፡
የሥነ ምግባር መለኪያዎች፡ ሁሉም ይዘቶች መዘጋጀትና መቅረብ ያለባቸው ልክ በዓለም አቀፍ የቤት ውስጥ ጥቃት ምርምር እና ትግበራ ላይ እንደሚጠበቀው ጥብቅ በሆነ የሥነ ምግባር እና ጥበቃ መለኪያ መንገድ ነው፡፡ በተሳታፊው በድረ-ገጽ ጽሑፉ ጥቅም ላይ የሚውለው መረጃ መሰብሰብና መተግበር ያለበት ነባሩን የመረጃ አጠባበቅ ሕግ በተከተለ መንገድ መሆን አለበት፡፡ እነዚህ መለኪያዎች ምን እንደሆኑ የማያውቁ ከሆነ አበርክቶ ለማድረግ በሚያስቡበት ጊዜ ተሳታፊዎቹ የፕሮጀክቱን ቡድን ማግኘት አለባቸው፡፡
ፈቃድና የቅጂ መብት፡ አበርክቶዎች በጸሐፊው የሚታወቁ ሲሆን የሚታተሙት በ website’s Creative Commons Attribution-NonCommercial (CC BY-NC 4.0) ዓለም አቀፋዊ የሕዝብ ፈቃድ (International Public License) ነው፡፡ ይሄ ማለት ጸሐፊዎች በሥራቸው ላይ ሙሉ የባለቤትነት መብት ያላቸው ሲሆን ሥራቸውን መጀመሪያ ላይ የሚያሳትሙት (ለንባብ የሚያበቁት) ግን በፕሮጀክቱ ድረ-ገጽ ላይ ይሆናል ማለት ነው፡፡ በተጨማሪም የጽሑፍ ሥራው ከንግድ ዓላማ በቀር በአግባቡ በማጣቀሻ ከማሳወቅ ጋር በማንኛውም አመክንዮ በድጋሚ አገልግሎት ላይ ሊውል ይችላል፡፡ ይሄ ፈቃድ ጸሐፊው ጽሑፉን ለንግድ ባልሆነ መንገድ መልሶ ዐሳብ እንዲጨምርበት እና ለፕሮጀክት ሥራው ተስማሚ አድርጎ እንዲያቀርበው ያስችለዋል፡፡ አዲሱ ሥራ ለፕሮጀክቱ ድረ-ገጽ የመጀመሪያ አታሚነት እውቅና መስጠት ያለበት ሲሆን ጥቅም ላይ መዋል ያለበትም ከንግድ ዓላማ ውጪ በሆነ መንገድ መሆን አለበት፡፡ ነገር ግን የግኝት ሥራዎች በተመሳሳይ መመዘኛ አይደለም ፈቃድ ማግኘት ያለባቸው፡፡
የድምጽ እና የምስል አበርክቶዎች
የአስተዋጽኦ ዓይነቶች፡ የድምጽ አበርክቶዎች የድረ ገጽ የድምጽ ቅጂዎች፣ መዝሙሮች፣ የቃል ታሪኮች፣ ግላዊ አስተያየቶች፣ የሰው ዘር መዛግብት፣ ቃለ መጠይቅ ወይም የተቀዱ ንግግሮች ሊሆኑ ይችላሉ፡፡ የምስል አበርክቶዎች አንድ ወይም የብዙ ፎቶዎች ስብስቦች፣ ሥዕሎች፣ፖስተሮች ወይም የመረጃ ሥዕሎች ሊሆኑ ይችላሉ፡፡
የጽሑፍ ሥራው ርዝመት፡ የድምጽ ቅጂዎች ከ20 ደቂቃ መብለጥ የለባቸውም (ቀድሞ የሚረዝምበት ምክንያት ካልተገለጸ በቀር)፡፡ የምስል አበርክቶ በአጫጭር ምስሎች የተደገፉ እና ስለ ምስሎቹ ገላጭ የሆኑ ማብራሪያዎች ያካተቱ 10 ምስሎችን መያዝ አለበት፡፡ ሁሉም አበርክቶዎች ፕሮጀክቱ እና የድረ-ገጽ ይዘቶቹ የሚያተኩሩባቸውን አቅጣጫዎች እንዴት እንደሚቀርቧቸው የሚያብራሩ መሆን አለባቸው፡፡
የማስገቢያ መንገድ፡ ለድምጽ አበርክቶዎች አበርካቾች የይዘቱ ፈጣሪ እንደሆኑ የሚገልጽ ነጻ የሆነ አካውንት በሳውንድ ክላውድ (Soundcloud) እንዲከፍቱ ይመከራል፡፡ የድምጽ ቅጂዎች ያለ ኢንተርኔት በግለሰቡ የመቅጃ ዕቃዎች መቀዳት የሚችሉ ሲሆን ተቀባይነት ባላቸው መንገዶች በሳውንድ ክላውድ (Soundcloud) ላይ መጫን (መታተም) አለባቸው፡፡ አንዴ ከተጫኑ በኋላ በፕሮጀክቱ ድረ-ገጽ ላይ እንዲወጡ (እንዲታተሙ) አበርካቾቹ ሊንኩን ኮፒ በማድረግ ለፕሮጀክቱ ቡድን መላክ አለባቸው፡፡ የምስል አበርክቶዎች መላክ ያለባቸው የ MS Office ጥቅሎችን በመጠቀም በተፈጠረ (ያም በወርድ፣ በኤክሴል ወይም በሌላ የንድፍ መሳርያ) በ jpeg (or jpg) መልክ መሆን አለበት ይሄም ከፍተኛ ጥራትና ለማረጋገጥ የሚደረግ ነው፡፡
የሥነ ምግባር መለኪያዎች፡ ሁሉም ይዘቶች መዘጋጀትና መቅረብ ያለባቸው ልክ በዓለም አቀፍ የቤት ውስጥ ጥቃት ምርምር እና ትግበራ ላይ እንደሚጠበቀው ጥብቅ በሆነ የሥነ ምግባር እና ጥበቃ መለኪያ መንገድ ነው፡፡ በተሳታፊው በድረ-ገጽ ጽሑፉ ጥቅም ላይ የሚውለው መረጃ መሰብሰብና መተግበር ያለበት ነባሩን የመረጃ አጠባበቅ ሕግ በተከተለ መንገድ መሆን አለበት፡፡ እነዚህ መለኪያዎች ምን እንደሆኑ የማያውቁ ከሆነ አበርክቶ ለማድረግ በሚያስቡበት ጊዜ ተሳታፊዎቹ የፕሮጀክቱን ቡድን ማግኘት አለባቸው፡፡
ፈቃድና የቅጂ መብት፡ አበርክቶዎች በጸሐፊው የሚታወቁ ሲሆን የሚታተሙት በ website’s Creative Commons Attribution-NonCommercial (CC BY-NC 4.0) ዓለም አቀፋዊ የሕዝብ ፈቃድ (International Public License) ነው፡፡ ይሄ ማለት ጸሐፊዎች በሥራቸው ላይ ሙሉ የባለቤትነት መብት ያላቸው ሲሆን ሥራቸውን መጀመሪያ ላይ የሚያሳትሙት (ለንባብ የሚያበቁት) ግን በፕሮጀክቱ ድረ-ገጽ ላይ ይሆናል ማለት ነው፡፡ በተጨማሪም የጽሑፍ ሥራው ከንግድ ዓላማ በቀር በአግባቡ በማጣቀሻ ከማሳወቅ ጋር በማንኛውም አመክንዮ በድጋሚ አገልግሎት ላይ ሊውል ይችላል፡፡ ይሄ ፈቃድ ጸሐፊው ጽሑፉን ለንግድ ባልሆነ መንገድ መልሶ ዐሳብ እንዲጨምርበት እና ለፕሮጀክት ሥራው ተስማሚ አድርጎ እንዲያቀርበው ያስችለዋል፡፡ አዲሱ ሥራ ለፕሮጀክቱ ድረ-ገጽ የመጀመሪያ አታሚነት እውቅና መስጠት ያለበት ሲሆን ጥቅም ላይ መዋል ያለበትም ከንግድ ዓላማ ውጪ በሆነ መንገድ መሆን አለበት፡፡ ነገር ግን የግኝት ሥራዎች በተመሳሳይ መመዘኛ አይደለም ፈቃድ ማግኘት ያለባቸው፡፡
Latest Posts
- Conference Proceedings of Project dldl/ድልድል – EMIRTA Annual Conference held in Addis Ababa, Ethiopia Now Published 26 May 2023
- Project dldl/ድልድል and Ethiopian counselling organisation Fnot launched pioneering project to develop a faith-sensitive counselling model for domestic violence-affected groups in Ethiopia 5 April 2023
- The Intersections of Religion, Culture and Domestic abuse: A Study of Rural Eastern Cape Province in South Africa 9 December 2022
- The choice between being a real man, a loving partner and a respected head of the family: a study on masculinity, religiosity and IPV in Zambia 18 August 2022
- Project dldl/ድልድል Principal Investigator collaborates with UK- and Ethiopia-based filmmakers to produce multilingual docudrama on domestic violence in Ethiopia 4 August 2022
- Programme summary and evaluation report published: Training Ethiopian Orthodox clergy to respond to domestic violence in Ethiopia 20 June 2022
- Project dldl/ድልድል and EOTC DICAC held an all-Amharic interfaith meeting on domestic violence with religious leaders in Ethiopia 20 June 2022
- Dr Romina Istratii participated in Egypt interfaith retreat on the environment, diversity and heritage, 7-11 May 2022 21 May 2022
- Project dldl/ድልድል Podcast Series Episode 3: Domestic violence in Ethiopia and the feminist movement / በኢትዮጵያ የቤት ውሰጥ ጥቃት እና የፌሚኒሰቶች ንቅናቄ 8 April 2022
- Project dldl/ድልድል completes week-long ‘refresher’ trainings on domestic violence with 155 clergy previously trained in Amhara region, Ethiopia 4 April 2022
- Project dldl/ድልድል Launches New Podcast Series on Domestic Violence in Ethiopia 15 March 2022
- Dr Romina Istratii’s study on conjugal violence in Tigray is now available open access 5 March 2022
- Exploring African Conservative Clergy and Service Providers’ Experiences of Supporting African Christian Women Survivors of Intimate Partner Violence in England: A Clergy Perspective 15 February 2022
- Project dldl/ድልድል becomes a member of the Faith and Violence against Women and Girls (Faith and VAWG) Coalition 10 December 2021
- 16 Days of Activism against Gender-Based Violence: Domestic Violence, Faith, and the Ethiopian Orthodox Tewahedo Church 5 December 2021